<body><script type="text/javascript"> function setAttributeOnload(object, attribute, val) { if(window.addEventListener) { window.addEventListener('load', function(){ object[attribute] = val; }, false); } else { window.attachEvent('onload', function(){ object[attribute] = val; }); } } </script> <div id="navbar-iframe-container"></div> <script type="text/javascript" src="https://apis.google.com/js/plusone.js"></script> <script type="text/javascript"> gapi.load("gapi.iframes:gapi.iframes.style.bubble", function() { if (gapi.iframes && gapi.iframes.getContext) { gapi.iframes.getContext().openChild({ url: 'https://www.blogger.com/navbar.g?targetBlogID\x3d20649813\x26blogName\x3dTen%C3%BBr\x26publishMode\x3dPUBLISH_MODE_BLOGSPOT\x26navbarType\x3dBLUE\x26layoutType\x3dCLASSIC\x26searchRoot\x3dhttp://tenur.blogspot.com/search\x26blogLocale\x3den_US\x26v\x3d2\x26homepageUrl\x3dhttp://tenur.blogspot.com/\x26vt\x3d6092351457890117028', where: document.getElementById("navbar-iframe-container"), id: "navbar-iframe" }); } }); </script>

3.27.2006

Malperên kurdan û yên tirkan

Cemil Oguz*

Berê ku Diyarname vebe û piştî vebûnê jî her bala min li ser malperan bû. Min hem li yên kurdan, hem jî li yên tirkan temaşe dikir. Di dawiyê de îstatîstîkên balkêş min bi dest xistin. A rast ji bo xwe min ev berhev kiribûn, lê ji ber balkêşiya îstatîstîkan min xwest ez bi we re jî parve bikim.
Em ji serî dest pê bikin: Di asta ku teknolojî gihîştiye, her miletek, her netewe û welatek pêdivî bi malperan dibîne. Ev ji bo me kurdan jî derbas dibe. Îro di nav kurdan de ji ber nebûna kompîtur, înternet û îmkanan, xwendevanên malperan kêm in, lê di heman demê de malperên ku hene kurdî bi wan dide xwendin, hindik be jî kurdî pêş dixe. Ji ber vê û ji ber gelek aliyên din bi ya min malper divê bijîn.

Dema ez li ser malperên kurdan û tirkan kûr bûn, ez li kîteyan geriyam, kîteyên balkêş min bi dest xistin.

Fermo:

1- Di malperên tirkan de nerî hindik 4 kes dixebitin, di hinan de ev hejmar digihîje 10'î û di hinan de derbas jî dibe; lê yê me kurdan de bi giştî li ser kesekî dimeşe (Kêm ji wan bi ser çend kesan re dimeşin).

2- Malperên tirkan, komeleya wan heye, ew bi rêxistin in, yê me kurdan ne komele heye, ne jî em bi xwe di nava hev de li hev dikin. Pirsa: Çend berpirsên malperan silavê didin hev û ji hev hez dikin jî jixwe ez qet napirsim...

3- Xebatkarên malperên tirkan debara xwe ji malperên xwe dikin, ji jêhatina malperê meaşê (mehmizê) distînin, yê me kurdan em nikarin ji malperan debara xwe bikin. Yê her berpirsekî/e malperên me kareke wan ê din heye, malpervaniyê bi ber re dikin.

4- Di nav lîteratura tirkan de ji malpervanên xwe re "Pîjamali Gazetecî (rojnamegerên bi pîjema)" dibêjin, ême hê navek li wan nehatiye kirin.

5- Malperên tirkan piştî salên 1990'î dest bi weşanê kirin, ên me piştî salên 2000'î ve ev pêvajo dest pê kiriye.

6- Malperên tirkan rojê li dora 200-250 nûçeyî çêdikin û diweşînin, yê me li ber vê, hema bêje em qal nekin baştir e.

7- Malperên tirkan agahiyê pêşkêşî xwendevanên xwe dikin, ji bo vê yekê kar dikin, ême em ji bo rêxistinek, partiyek an derdoreke xirab nîşan bidin em agahiyan, dîtinan pêşkêş dikin.

8- Malperên tirkan hemû nûçe ne yê wan in, lê nûçeyên ku bikar bînin çavkanî diyar dikin, yê me hin jê çavkanî sedî sed diyar dikin, lê hin jê nûçeyê digirin, kurt dikin û wekî ya wan be diweşînin.

9- Hin malper tirkan aboneyê 2, hin ji wan aboneyê 4 ajansan in, lê yê me kurdan em ne aboneyên ajansan in.

10- Malperên tirkan ên li ser beşên cur bi cur hene, wekî mînak ji malperên kulîlkfiroşan û diransazan, ji kincfiroşan bigire, hema heta yê hunermendan, yê şaredarî, yên li ser temaya xwezayê, aboriyê hene, yê me kurdan ev merhaleya berfireh hê pêk nehatiye.
Bi hêviya ku wê di her warî de malperên me vebin, bi hêviya ku emê malperên xwe ji bo êrîşên partî, rêxistin û derdoran pêk neynin...

Not: Ji ber kêm îngiliza min, min tenê dikarî li sernavên malperên bi zimanên îngilîzî binêrim. Der barê malperên îngilîz, alman, fransiz û gelên din de agahiyên min ên berfireh nîn in, lê li gor agahiyên kesên ku bi van zimanan dizanin dan min, yê wan pêşketîtir in.

cemilo@diyarname.com

*Ji malpera Diyarname.comê hatiye girtin.
(Qelewkirina nivîsan ji aliyê me hatiye çêkirin/Tenûr)

3.26.2006

"Bi Kovîtî, Rûmetî û Qaçaxtî-Jiyana Min" derket

Bi Kovîtî, Rûmetî û Qaçaxtî
Jîyana Min

ELÎ PÊRÎŞAN


Ji 1932an ve heyanî 2006an ez hin dijîm. Û tiştên bi serê min de hat û di jîyana min ve buhurîn, belko pir bihindikayî be jî weke nimûne min anî ser ziman û nivîsand. Ez çendî gerîyam min zor, zehmetî û cefa dît jî, ez tucarî ji fikra demokrasîyê û welateki azad û serbixwe nehatime xwarê. Û min mafen mirovan wekhevî û hezkirin di demokrasîyê de dît. Lê ne demokrasîyek çewt û gel bixapîne! Min rastî ne di îslamîyetê de, ne jî di xirîstîyanîyê de dît.

Gelo di cîhane de demokrasîyeke rastîn çêbe?! Edaleteke li ser wekhevîyê hebe?! Ev kuştin û qetlîam, kovîtî û qaçaxi dê çima çê bibin û bibin para me? Çima mirov ji bo rûmetîya xwe mecbûr bimîne ku kuştinê bide ber çavê xwe? Çima birçîtî û zehmetîyên dinê li me barbin? Wê çima herkes bi mafên xwe razî nebe? Di dewletên Ewrûpî de her çiqasî kêm be jî demokrasîyê tiştên xweş ava kirî ne. Di sosyalîzmê de dibêje “welatên ku kolonyalîzm tê dê hebe ew welat ne azad in!”

Lê eger demokrasî bê, wê wekhevî û biratî jî dê were! Ez hêvîdarim ji bo demokrasîyê, wekhevîyê, azadîyê û serxwebûnê şadî peyda bibe!

Divê ev rojên ku bê tirs gelê me yê Kurdistanê weke aştî tê de bijî jî dê werin!

Ez dixwazim bila dewlet ji bo pêwistîya gel hebe. Gel ji bona dewletê nebe. Ez dixwazim bila mirovayetî bi rumetbe!. Ez dixazim bila şer û buxiz nebe, aştî û hev hezkirina mirovayetîyê hebe û bila bi serkeve! Ji bo neteweyê cîhanê çi imkan hene bila ji bo neteweya me jî ev hebe! Êdî bese dijmin dîtîn û piçûk dîtîna neteweya me ya kurd û welatê me Kurdistan!

Êdî bese! Ez naxwazim tiştên ku ez û zarokên min tê de jîyane weke bi zîndan û bi rev, bila keseke dinê nejî. Her jîyanek bi rumet a xwezayî hebe, lê ne bi qaçaxi û kovîtî! Di mal û welat û cîhana mirovayetîyê de di cîhê xwe de azadî û serxwebûn bila hebe. De bila ev rojên şad û bextewar bila zu werin! Min xwest ku ez ji bona hesreta jîyanek bextewarî, jana dilê xwe daxinim nava vê kitêbê. Şadî, azadî, bextewarî û welatek serxwebûyî nebû para me, lêb ila her para we be! Min ev daxwaz çiqas bi cîh anî an jî neanî ev ji li ser nêrîn û bîryara we be! Ev qaçaxtî û kovitî bû para min, bila nebe para nêvîyên min.

Bi Kovîtî, Rûmetî û Qaçaxtî
Jîyana Min
Serpêhatî


Weşanên Pêrî
Biha: 8.00 YTL
Rûpel:112,
Ebat: 21x13,5,
ISBN: 975-9010 -37-2

Ji malpera Avestakurd hatiye girtin.
http://www.avestakurd.net

3.05.2006

Pirtûk: “Gotibûn ku…” derket

Cemil Oguz*
Pirtûka dîroknas û zimanzanê kurd Malmîsanij bi navê “Gotibûn ku…” ji Weşanên Vate derket. Pirtûka ku ji hevpeyvînên Malmîsanij pêk tê, bi mijara xwe hê jî rojevîbûna xwe diparêzin.
Malmîsanij di "Gotibûn ku..." de hevpeyvînên ku di navbera salên 1982-1992'yan de kiribû û yek jê jî di van salên dawî de di Vateyê de weşandibû berhev kirine.

Li gor gotina Malmîsanij, di dema ku li Tirkiyeyê kurdî qedexe bûn ev hevpeyvîn hatine kirin. Ew, bi rêwşenbîrê kurd ê ji kurdên Kafkasyayê Celîlê Celîl, akademîsyen û Kurdolog Şakirê Xudoyê Mihoyan, Kurdologê hollandî Martin Van Bruinessen, biraziyê Şêx Saîd Fexredînê Şêx Tahirî, yek ji hevalên Şêx Seîdîn, Derwêş, ji kurdên Mehabadê zimanzan Emîr Hesenpur re hevpeyvînê dike. Van hevpeyvînan di kovarên wekî Armanc, Çira û Vate de diweşîne. Bi ser van re sal dibûrin, ew dibin pirtûk vê carê.

Malmîsanij wisa dibêje li ser weşandina pirtûkê: "Min nexwest ev hevpeyvîn di nav rûpelên kevn ên kovaran debimînin. Min xwest nifşê nû jî van bibînin. Min dema ev hevpeyvîn dikir fikra min çi bû, kesên ku min bi wan re hevpeyvîn dikir fikra wan çi bû, hina fikra me çi ye? Dibe ku fikrên me guherîne. Ji bo dîtina vê yekê jî min ev careke din weşandin."

Nivîskar Malmîsanij dibêje, "Dîroknasên kurd hindik in" û wiha didomîne: "Tiştên ku van dîroknas, rewşenbîr û akademîsyenên kurd ku di van hevpeyvînan de gotine ji bo min muhîm in. Ji ber ku gotinên van ên li ser dîrok, zimanê kurdî muhîm in, min di pirtûkê de cih da wan. Her wisa dema min ev hevpeyvîn kirin li Tirkiyeyê kurdî qedexe bû."

Hevpeyvîna ku bi biraziyê Şêx Seîd, Fexredînê Şêx Tahir re kiriye li ser Serhildana Şêx Seîd, sirgûnkirina malbata Şêx agahiyên nû û balkêş pêşkêş dike. Her wiha hevpeyvîna bi leşkerê Şêx Seîd bi Derwêş re kiriye jî heman tiştî bi çavdêriyeke din nîşanî xwendevan dide.
Meseleya nîqaşa zaravayên kurda ku hê jî di rojevê de ye, di hevpeyvîna ku sala 1992'yan de bi Emîr Hesenpûr re hatiye kirin de mijara sereke ye. Wê demê Hesenpûr gotiye, "Divê azadiya her zaravayê hebe" û bêşik hin dîtinên din jî li ser vê meseleyê pêşkêş kirine.

Şakirê Xudoyê Mihoyan zêdetir li ser kurdên Sovyetê dîtinên xwe tîne ziman, kurdolog, Martin Van Bruinessen jî dibêje, "Zimanê nivîskê ya kurdî ji nû ve ava dibe".

Rewşenbîrê kurd Celîlê Celîl jî di hevpeyvîna ku pêre hatiye kirin de, li ser pêşketinên li dinyayê, çêkirina peyvên nû yên kurdî û li ser ziman dîtinên xwe anîne ziman.

Gotibûn ku... / Malmîsanij / Vate / 136 rûpel

*Ji Malpera Diyarname.com'ê hatiye girtin...

2.28.2006

William Shakespeare Dibêje

Dost ew e yê kêmasiyên dostên xwe tehemil dike.









William Shakespeare (1564 - 1616)

Kovara W, weşan û nivîskarên me

Xwişkno, birano me bihîstiye ku Kovara W yê, ku bi kurdî û li ser çand, huner û wêjeya kurdî weşanê dike, wê bê girtin. Gunehê me di stuyê we de be ku hûn li vê kovara delal xwedî dernekevin. Eyb e yaw welleh billeh şerm e li we. Bixwînin bidin xwendin bibin abone nabe wilo. Ne tenê ji bo Kovara W, xwedî li hemû weşanên kurdî, nivîskarên ku kurdî dinivisînin derkevin, belkî şaşiyên wan hebe hûn binirxînin da ku rastiyê bibînin, xweşiyê wan hebe, wan pîroz bikin ku bila berhemên binirx û hêja biafirînin. Kirîna kovarekê an jî pirtûkekê divê ne zehmet be. Me rûreş dernexin ha. Ji destê me çi bê emê nûçeyên derbarê weşan û pirtûkên nû bidin we. Reklama wan belaş e. Niha şîretek me heye, herin pirtûkfiroşekê û pirtûkek kurdî ji bo xwe yek jî ji bo dost û hevalên xwe ku hûn diyarî wî bikin, bikirin. De haydê hûn hê runîştînin niha kompûtera xwe bigrin û biçin.
Ev jî malpera Kovara W
http://www.kovaraw.com
Ji bîr nekin ha du pirtûk yek ji bo we yek jî ji bo nas û hevaleke/a xwe.
Oxira we a xêrê beee...

Koma Tenûr

1.30.2006

Lêborîn...

Di nav me de ker nîn in-Ma di her çiniyo

Di nav me de ker nîn in

Xortek ji kalemêrek xwedî pêzanîn û tecrube dipirse:
- Mamo? Ev dunya alem tev bûn xwedî dewlet, lê çima em kurd ji vê man bêpar? Kalemêr bersivê dide û dibêje:
- Di nav me de ker nîn in!
Xort ji bersiva kalemêrî fêm na ke û dipirse:
- Çawa?
Kalemêr bersivê dide:
- Em kurd tev şêr in. Du sêr na yên ber hev. Gava þêr têne ber hev, dikin qajînî û dev diavêjin hevdu. Kurdê me ji cinsê van şêran in.


Ma di her çiniyo

Yo kurdî ciwon wehar tecrubê yew pîr ra pers keno:
- Apo, qey her kes wehar dewlet beno û tena ma kirdon în nîmet ra hema zî mehrûm iyo?
Apo vano:
- Ma di her çiniyo ay ra.
Ciwon cewab yi fam nî keyn honc pers keno:
- Senî?
Apo vano:
- Ma kirdon wehar tebîetê şîr iyo. . Du şîr ni yên pî ser. Wextêk yin biyêrî hêt yewbîn, miheqqaq yin ra yo, erziyên serî êy bîn û xebitiyênî yewbîn gaz bikirî. Ma kirdon neseb ino şîron ra wo.

1.25.2006

Muzîk: Ji Aslîka Qadir, Welatê Me Kurdistan e

Aslîka Qadir
Ji Bo Guhdarîkirinê Bitikînin*

Welatê me Kurdistan e

Welatê me Kurdistan e
Cîh û meskenê me Kurdan e
Welat ji me re ruh û can e
Millet hemû bira ne

Cîh û meskenê me Kurdan e
Temam bax e û bostan e
Welat gul e gulistan e
Millet hemû biran e

Welatê me pir şêrîn e
Merg û çîman û zevî ne
Qîz û bûke wê tev cindî ne
Eslê xwe da horî ne

Kurdistana me zeynet e
Cim'eta wî pir hurmet e
Temam qedr e û qîymet e
Welatê me cennet e

Gotin û Muzîk
Mecîdê Silêman
Deng
Aslîka Qadir
Berhevkar
Azad Serbilind

*Çavkaniyê dosyeya stranê ji malpera Serbestî.Org hatiye girtin. Ji bo guhdarîkirinê Winamp an jî Media Player pêwist e.
Wêne û gotinên stranê jî ji malpera Pirtûkxaneya SARA'yê hatiye girtin

1.18.2006

Bê Şîrove: Kalo

Kalo

1.17.2006

Nûçe: Li Hindistanê miriyek ji gorê rabû

Mirî ji gorê radibin HINDISTAN, 16/1 2006 — Li gundê Mandla yê grêdayî Madhya Pradeşê li Hindistanê zelamekê mirî ji gorê rabû û di nêva gundî de wekî xeyaletan digere û tirseka mezin êxistiye dilê mirovên xwe û xelkê gundî. Zarokên gundî ji tirsa Raju Raghuvanşiyê ko ji gorê rabûye bizdayî ne û nizanin xwe li kû veşêrin.

Raju Raghuvanşî li zîndanê de bû û cezayê xwe dikişand. Li zîndanê Raju Raghuvanşî nexweş bû û ew birin nexweşxaneyekê. Paşê mirovekê dûr yê Raju Raghuvanşiyê dêûbabên wî û xizmên wî yên nêzîk agahdar kirin ko Raju Raghuvanşî miriye.

Rojnameya Times of India îro dinivîsîne ko Raju Raghuvanşî ji gorê rabûye û li gundê xwe vegeriyaye û niho brayên wî yên ko ji bo şîna Raju Raghuvanşiyê pora serê xwe kur kiribûn ecêbmayî bûne û newêrin xwe nêzîkî Raju Raghuvanşiyî bikin.

Ji Malpera Nefel ê hatiye girtin